“Olmaliq” – “Bunyodkor” uchrashuvidan keyingi matbuot anjumanining ikkinchi qismida olmaliqliklar ustozi Igor Shkvirin ishtirok etdi.
- Ikkala jamoa ham bugungi uchrashuvni hujumkor o'tkazishdi. Bundan esa albatta muxlislar xursand bo'lishdi, deb o'ylayman. Birinchi bo'limda “Bunyodkor” tashabbusga ega bo'ldi. Lekin tanaffusdan keyin o'zimizga keldik va vaziyatni o'ngladik. Amalga oshirgan o'zgarishlarimiz o'yinimizni kuchaytirdi. Mavsumni bir tekisda o'tkaza olmadik. Buning etarli sabablari bor. Chempionatda yaxshi start olgandik. Hatto birinchi davradan keyin ham imkoniyatlarimiz etarli edi. Biroq muhim bahslardagi kamchiliklarimiz mavsumning qolgan qismiga ta'sir qildi. Masalan, ikkinchi davra boshida “Paxtakor” bilan o'yinni eslaylik.
O'sha bahsda darvozabonimiz yo'q joydan qizil kartochka olib, jamoani qiyin vaziyatda qoldirdi. Umuman shunga o'xshash ba'zi o'yinlar bizga pand berdi. Shuningdek, jarohatlar ham zaririmizga ishladi. Agarda statistikaga murojaat qiladigan bo'lsak, gol urish borasida ko'rsatkichlarimiz juda yaxshi. Biroq o'tkazib yuborilgan gollar bo'yicha juda yomon natijalar qayd etyapmiz. Yuqori maqsadli jamoaning mudofa chizig'i mustahkam bo'lishi kerak. Yangi mavsum bo'yicha rahbariyat bilan gaplashib olishimiz kerak. Shundan so'ng jamoada qolamanmi yoki yo'qmi, hammasi aniq bo'ladi, - deydi Igor Shkvirin.
— deya xabar beradi uff.uz nashri.