Frantsiya futbol federatsiyasi rahbari Noel Le Gre Madridning "Real" klubi hujumchisi Benzema istalgan vaqtda terma jamoaga qaytishi mumkinligini xabar qildi.
"U terma jamoaga chaqirilishi mumkin. Benzema termadan chetlatilmagan. Agar Desham uning xizmatlaridan foydalanishni istasa, xohlagan vaqtda bu ishni amalga oshirishi mumkin. Dide vaziyatni to'liq nazorat qilib turibdi.
Benzema bilan hech qanday muammo yo'q. Agarda u yaxshi o'ynashda davom etsa, Frantsiya terma jamoasiga albatta qaytadi. Men uning sportdagi yutuqlariga katta hurmat bilan qarayman.
U Evropa futbolida Frantsiyaning eng yaxshi to'purari, "Real" klubining asosiy hujumchisi va bu ishni amalga oshirish oson emas. Hujumchining saviyasi muhokama qilinmaydi", - deydi Le Gre.
Eslatib o'tamiz, Benzema Mate Valbuenaga nisbatan tovlamachilikda ayblanib, Frantsiya termasidan chetlatilgan va Evropa chempionatida ishtirok etmagan edi.
— deya xabar beradi uff.uz nashri.