Luis Enrikening "Barselona"dagi sargizashtlari bu yil yakunlanishi haqidagi xabarlar ketma-ketligi tinmayapti. Biz ushbu murabbiyning "Barcelona" boshqaruvidagi alamli mag'lubiyatlari haqidagi maqolaning davomini e'tiboringizga havola etamiz.
6. Ispaniya chempionati-2015/16. 31-tur
"Barcelona" - "Real Madrid" 1:2
"Barcelona" birinchi davrada "Santyago Bernabeu"da yirik 4:0 hisobida g'alaba qozongan edi. Mazkur bahsda Enrike shogirdlari g'alaba qozonishsa, chempionlikni muddatidan avval hal qilib qo'yishgan bo'lardi. Biroq 83-daqiqada bir kishi kam bo'liob qolgan Zidan shogirdlari oradan 2 daqiqa o'tib g'alaba keltiruvchi gol urishdi. Bu Enrikening "Real"dan uchralgan ikkinchi mag'lubiyati edi.
7. Ispaniya chempionati-2015/16. 33-tur
"Barcelona" - "Valencia" 1:2
"Barcelona" "Real"dan so'ng safarda "Real Sosedad"ga ham imkoniyati boy berdi. Shundan keyin klub kutilmaganda o'z maydonida "Valenciya"ga ham yutqazib qo'ydi. Natijada kataloniyaliklar ketma-ket uchta mag'lubiyat, boz ustiga g'alabasiz to'rt o'yindan so'ng "Real"ni o'zlariga ancha yaqinlashtirib olishdi. Hayriyatki mazkur tarsakidan so'ng, Enrike shogirdlari uyg'onishdi va ketma-ket 5 ta g'alabaga erishib chempionlikni qo'lga kiritishdi.
8. ChL-2015/16. 1/4 final
"Atletiko" - "Barcelona" 2:0
Dastlabki uchrashuvda Kataloniyaliklar Suaresning "dubl"i evaziga irodali g'alabani qo'lga kiritishgan edi. Biroq javob uchrashuvida Enrike shogirdlari hech narsaga erisha olishmadi. Grizmanning urgan ikkita goli Chempionlar ligasining amaldagi sohibi uchun musobaqa yakunlanganini anglatdi. Davomi >> Luis Enrikening alamli mag'lubiyatlari (1-qism)
— deya xabar beradi uff.uz nashri.