“Stiveneydj” ustozi Teddi Sheringem yana maydonga qaytishi mumkin. 49 yoshli murabbiy “Ueluin Garden Siti”ga qarshi Xertfordshir Kubogi (graflikdagi eng qadimiy turnir) uchun uchrashuv qaydnomasiga kiritilgan. Bu haqda Euro-football.ru Daily Star nashriga tayanib xabar tarqatdi.
O'z vaqtida “Manchester Yunayted”, “Tottenxem” va Angliya terma jamoasida to'p surgan futbolchi bundan 7 yil avval faoliyatini yakunlagandi. “Stiveneydj” - 1999 yilgi Chempionlar Ligasi final uchrashuvidagi gol va samarali uzatma muallifi uchun murabbiylikdagi ilk jamoa hisoblanadi.
E'tiborlisi, Sheringemning 41 yoshli yordamchisi Kevin Uotson ham “Ueluin Garden Siti”ga qarshi o'yin qaydnomasidan joy olgan.
Manba: arena.uz
— deya xabar beradi uff.uz nashri.