«Barselona» Ispaniya Premerosining 24 – turidan o'rin olgan «Atletiko»ga qarshi uchrashuvda g'alaba qozondi. Uchrashuvdan so'ng kataloniyaliklar ustozi Luis Enrike o'yin haqida fikr bildirib o'tdi. «Nihoyat, bugun qiyin g'alabaga erishdik. Lekin, «Atletiko»birinchi bo'limda bizdan ko'proq hujum uyushtirdi. «Atletiko» futbolchilari barcha harakatlarimizni tezlik bilan tahlil qilib chiqishni uddasidan chiqishdi. Birinchi bo'limdan so'ng, pressingdan holi bo'ldik va o'yinni nazorat qila boshladik. G'alaba qozonganimizdan juda mamnunman. Biz bugun «Atletiko»dek kuchli raqibni mag'lubiyatga uchratdik. G'alabaga erishish uchun ko'p kuch sarflashga to'g'ri keldi», - deydi Enrike.
— deya xabar beradi uff.uz nashri.