“Real” jamoasi himoyachisi Serxio Ramos “Barselona” himoyachisi Jerar Pikening hakamlarni tanqid qilishiga javob qaytardi. Pike “Barselona” va “Malaga” (0:0) o'yinida o'zi urgan gol inobatga olinmaganini esladi. “Malaga” va “Real” o'rtasidagi o'yinda esa Ramosning shubhali goli inobatga olinganini tanqid qildi.    Shuningdek, “Vilyarreal”ga qarshi o'yinda kataloniyaliklar 1:1 hisobida durang o'ynagandi va vaziyatlardan birida penalti qo'yib berilmagandi. Kecha bo'lib o'tgan o'yinda esa “Real” “Vilyarreal” darvozasiga urilgan gollardan (3:2) birini penaltidan kiritdi. “Agar bu so'zlarni Messi aytganida xayron qolmasdim. Lekin bu Pike. Undan nima kutish mumkinligini hamma biladi. Hozir muhokamaning o'rni emas, hech narsa o'zgarmaydi. Biz esa ega bo'lgan ochkolar bilan qolamiz”, – dedi Ramos. 
— deya xabar beradi uff.uz nashri.