2009 yil boshlarida Angliyaning mashhur The Guardian nashri Tumanli Albionda porlayotgan 20 nafar yosh va iste'dodli futbolchilarga e'tibor qaratib, ular haqida alohida maqola chop etgandi. Biz esa ana shu ro'yxatdagilar orasidan 12 ta futbolchini tanlab olib, gazetaning o'sha davrdagi bashorati qanchalik to'g'ri-noto'g'ri bo'lganinir aniqlashga harakat qildik. Joze Bakster O'shanda: «Everton»ning 16 yoshli hujumchisiga «Runidan ham kuchliroq» deb ta'rif berilgandi. To'g'ri, Joze bir tarafdan  Runidan o'zib ketdi: u 16 yoshu 191 kunlik bo'lganida klub asosiy tarkibida debyutini nishonladi, ammo... Hozir: APLda bor-yo'g'i 7tagina o'yin o'tkazgan 24 yoshli futbolchi ayni paytda jamoasiz. Aniqroq aytsak, u hozirda giyohvand moddalar tufayli ikkinchi marta jazo muddatini o'tamoqda. Kuni kecha tarqalgan xabarlarga ko'ra, «irislar» hujumchi bilan yana yangi shartnoma tuzmoqchi ekanlar. Bu qaror qanchalik to'g'riligini bilmadig-u, ammo endi Baksterdan «ikkinchi Runi» chiqmasligi aniq. Mark Brivers O'shanda: «Sheffild Uensdey»ning 18 yashar himoyachisi shunchalik yosh bo'lishiga qaramay, klub ishqibozlari tomonidan «Yilning eng yaxshi futbolchisi» deb topildi. Qolaversa, Brivers Angliya yoshlar terma jamoasi safida Rossiyaga qarshi maydonga tushdi. Devid Moyes esa yigitcha «Everton» himoyasidan mustahkam o'rin olishiga ishonadi. Hozir: «Bolton»ning 27 yoshli futbolchisi. Moyes o'shanda Markka etarlicha imkoniyat bermadi, shu bois, Brivers ijara asosida «MK Dons» va «Milluoll» klublarida to'p surdi. Ayni paytda himoyachi «Bolton» tarkibida Chempionship yo'llanmasi uchun kurashmoqda. Fabian Delf O'shanda: Qisqa muddat ichida «Lids»ning o'rinbosarlar tarkibida sardor darajasiga ko'tarilgan 18 yoshli yigitcha tez orada asosiy tarkibdagi debyutini ham nishonladi. Futbolchining kelajagiga umid katta bo'lgani uchun «Lids» rahbarlari «Nyukasl» tomonidan taklif qilingan bir million funtni nazarga ilishmadi va oradan bir yil o'tgach, Fabianni sakkiz barobar qimmatiga «Aston Villa»ga sotib yuborishdi. Hozir: «Manchester Siti»ning 27 yoshli vakili. E'tiborlisi, Delf «Siti»ga o'tganidan so'ng Birmingem klubida o'zini hech qulay seza olmaganidan shikoyat qilgandi. To'g'ri, Fabianning «shaharliklar» safidagi o'yinlarini ham qoniqarli deb bo'lmaydi. Lekin jarohatlar pand bermaganida, u birmuncha yaxshiroq natijalarga erishgan bo'lardi. Denni Drinkuoter O'shanda: Yaqin va uzoq masofalarga aniq to'p oshirishi, har ikkala oyog'ida bir xil to'p tepa olishi bilan mutaxassislar e'tirofiga sazovor bo'lgan 18 yoshli yarim himoyachi endi-indin «qizil iblislar»ning asosiy tarkibida ko'rinish beradigandek tuyulgandi. Denni shuningdek, Angliya yoshlar terma jamoasi (U-19)da ham etakchilardan sanalardi. Hozir: «Lester» tarkibida Angliya chempioni. Qarang­ki, yuqorida aytilgan shuncha xususiyatlarga qaramay, futbolchi «MYu» tarkibida birorta ham rasmiy o'yin o'tkazmadi. Lekin garchi Drinkuoter «Lester» sharafini himoya qilsa-da, intervyularida tez-tez Manchester jamoasini eslab turadi. Jordan Xenderson Davomi: www.interfutbol.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.