Indoneziyaning Palembang shahrida baydarka va kanoeda eshkak eshish bo'yicha Osiyo chempionati bahslari o'tkazilmoqda.
Qit'aning etakchi eshkak eshuvchilari ishtirokida o'tayotgan mazkur nufuzli musobaqada birinchi o'rinni egallaganlar, Osiyo chempionatining oltin medallar bilan birga, 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmalarini ham qo'lga kiritadilar.
Quvonarlisi, qit'a chempionatida g'oliblikka erishgan sportchilar safidan to'rt nafar hamyurtlarimiz ham o'rin egallashdi. Jumladan, yakkalik qayiqda 1000 metr masofaga baydarkada eshkak eshish musobaqasida Aleksey Mochalov va 1000 metr masofaga kanoeda eshkak eshish musobaqasida Gerasim Kochnev marra chizig'iga birinchi bo'lib etib keldilar va “Rio-2016” o'yinlarining yo'llanmalari uchun belgilangan me'yorni bajardilar.
Bundan tashqari, ikki kishilik qayiqda 1000 metr masofaga kanoeda eshkak eshish musobaqasida Vadim Menkov va Serik Mirbekov ham Osiyo chempionatining oltin medallari va XXXI yozgi Olimpiada o'yinlarining yo'llanmasi uchun belgilangan me'yorni bajarishdi. Shavkat Jalilov
Manzil: O'zbekiston Milliy Olimpiya qo'mitasi matbuot xizmati
— deya xabar beradi uff.uz nashri.