Ispaniya futbol federatsiyasi hakamlar qo'mitasi "Vilyarreal" - "Real" (2:3) o'yinini boshqarib borgan hakam Xesus Xilya Mansano madridlklardan pora olmaganini ta'kidlamoqda.
Eslatib o'tamiz, uchrashuv davomida mezbonlar 2:0 hisobida oldinda borayotgan edi, ammo keyinchalik "Real" uchta gol kiritib, g'alabani ilib ketdi. Bu gollarning ikkinchisi esa ancha bahsga sabab bo'ldi. "Vilyarreal" yarim himoyachisi Bruno Soriano to'pga qo'li bilan ataylab o'ynamaganini ta'kidlagan, ammo Mansano penalti belgilagan edi.
O'yindan so'ng "Vilyarreal" prezidenti Fernando Roiga hakamlarni tanqid qilib, ular stadiondan "Real"ga tegishli sumkalarni ko'tarib chiqib ketishganini aytgan. Ispaniya futbol federatsiyasi hakamlar qo'mitasi esa sumkada "Real"ga tegishli atributkalar - ko'krak nishoni, ruchka va kalitga osiladigan ilmoqlar bo'lganini ma'lum qilmoqda.
— deya xabar beradi uff.uz nashri.