"Bunyodkor" yarim himoyachisi Dostonbek Hamdamov "Al Ayn"ga qarshi kechgan o'yindan so'ng (2:3) "Sport" telekanali uchun kichik intervyu berdi.
"Bugun juda qiyin o'yin bo'ldi, raqib oddiy jamoa emas edi. "Al Ayn" juda kuchli va o'tgan yili OChL finaliga chiqa olgan.
O'yin qiziqarli kechdi, deb o'ylayman. Muxlislardan mag'lubiyat uchun uzr so'raymiz.
Bizga nima etishmaganini bilmayman. Hammasi joyida edi, ammo Akrom Komilovga berilgan qizil kartochka o'yinni o'zgartirib yubordi.
O'sha holatda penalti bo'lgan yoki bo'lmaganini ayta olmayman. Takroriy vaziyatlarni ko'rib chiqish lozim.
Hakam haqida nima deyish mumkin? Hakam bu baribir hakam, biror narsa deyish qiyin. Biz nima qilmaylik, o'yinni boshqargan odamning xatosini tuzata olmaymiz", - deydi Hamdamov.
— deya xabar beradi uff.uz nashri.