Bugun "Buxoro" muxlislar bilan uchrashuv tashkil qildi. Yig'ilishda Buxoro Viloyat hokimligi madaniyat va sport ishlari boshqarmasi boshlig'i Jamshid Rashidov,klub direktori Amrillo Najmiddinov, bosh murabbiy Ulug'bek Baqoev va barcha murabbiy va futbolchilar ishtirok etishdi. Dastaval so'zga chiqqan Ulug'bek Baqoev barcha yangi futbolchilarni ommaga tanishtirdi va o'tgan yig'inlar haqida qisqacha ma'lumot berdi. Shundan so'ng so'z muxlislarga berildi. Muxlislar o'zlarini qiziqtirgan savollarga javob olishdi. Qiziqarli va uzoq davom etgan savol-javoblardan so'ng jamoa mashg'ulotga oshiqdi. O'z navbatida ko'plab muxlislar ham mashg'ulotlarni tomosha qilish maqsadida klub qarorgohiga tashrif buyurishdi. Bundan ancha ruhlangan futbolchilar esa ko'tarinki ruhda va yaxshi kayfiyat bilan xushchaqchaq holda mashg'ulotlarini o'tkazishdi.
— deya xabar beradi uff.uz nashri.