Jahon chempionati-2018 ikkinchi saralash bosqichi, 5-turidan o'rin olgan "E" guruhi vakillari — Suriya hamda Yaponiya o'rtasidagi uchrashuvni o'zbekistonlik hakamlar boshqarib boradi.
Suriyadagi notinch vaziyat sabab ushbu uchrashuv neytral maydonda o'tkaziladi. Neytral maydon sifatida esa Ummonning Muskat shahridagi Seeb Sports o'yingohi tanlangan.
Ushbu uchrashuvni o'zbekistonlik FIFA referisi Ravshan Ermatov boshqarib boradi. Qanotlarda unga Abduhamidullo Rasulov hamda Jahongir Saidovlar yordam beradi. To'rtinchi hakam — Ilgiz Tantashev.
Uchrashuv nazoratchisi — Muhammad Al-Hayil (Qatar), komissar — Ahmad Shahir (Maldiv). FIFA hamda OFK vakili — Kelli Satiraj (Malayziya).
— deya xabar beradi uff.uz nashri.