Frantsiya politsiyasi Madridning "Real" klubi hujumchisi Karim Benzemani ushlab turmaslikka qaror qildi. Benzema yaqin vaqtlar ichida Madridga, o'z klubi ixtiyoriga qaytishi kutilmoqda.
Eslatib o'tamiz, chorshanba kuni ertalab Benzema politsiya tomonidan qo'lga olingan edi. U "Lion" yarim himoyachisi Mate Valbuenaga qarshi tovlamachilik qilishda ayblanmoqda.
Eslatib o'tamiz, jinoyatchilar guruhi Valbuenaga obro'yini tushiradigan videolavha borligini bildirishgan va ma'lum mablag' to'lamasa uni ommaga ma'lum qilishlarini aytishgandi. Ushbu guruhda Karim Benzema ham bo'lgani aytilmoqda.
Shu vaqtga qadar sud Benzemaga ayblanuvchi yoki guvoh maqomini berishda aniqlik kirita olmay turgan edi. Ammo futbolchining o'zi sudga iqror bo'lgach, Benzemaga ayblov bildirildi. Endi faqat Valbuenaning o'zi Benzemani oqlay olishi mumkin. Bugun Valbuena ijtimoiy tarmoqdagi sahifasida suratini yangiladi va Benzema bilan birga tushgan suratini joylashtirdi. Demak futbolchi terma jamoadagi hamkorini oqlashga yordam berishi mumkin.
Eslatib o'tamiz, futbolchi aybdor deb topilgan taqdirda unga eng og'ir jazo sifatida besh yillik ozodlikdan mahrum etilish jazosi qo'yilishi mumkin.
— deya xabar beradi uff.uz nashri.