Italiyaning «Roma» klubi yarim himoyachisi Franchesko Totti faoliyatini yakunlashi mumkinligi haqida xabar berdi. Corriere dello Sport nashrining xabariga ko'ra, rimliklar sardori unga ajratilayotgan o'yin amaliyoti vaqti kamligidan norozi bo'lmoqda. 40 yoshli futbolchi yaqinda jamoa prezidenti Jeyms Palotta bilan uchrashib ushbu muammoni hal etishga urunib ko'radi. Shundan so'ng Totti kelajagi haqida bir to'xtamga kelishga qaror qilgan. Agar prezident bilan uchrashuv Francheskoning natijasiga hal bo'lmasa, u mavsum so'nggida faoliyatini yakunlaydi va Italiya futbol federatsiyasida ish boshlaydi. Eslatib o'tamiz, Totti joriy mavsum «Roma» tarkibida 19 marta maydonga tushgan bo'lib, 3ta gol va 7ta foydali uzatmani amalga oshirgan.
— deya xabar beradi uff.uz nashri.