«Arsenal» jamoasini boshqarishga tayyorligini bildirgan Massimiliano Allegri Londonga birinchi navbatda qaysi futbolchini olib kelish kerakligini ma'lum qildi. Avvalroq xabar berib o'tganimizdek, italiyalik mutaxassis londonliklar murabbiyi Arsen Venger jamoani tark etadigan bo'lsa, uning o'rniga ish boshlashga rozilik bildirgandi. Daily Express nashrining xabariga ko'ra, agar Allegri «Arsenal»da ish yuritadigan bo'lsa, jamoa rahbarlaridan birinchi bo'lib, «Latsio» yarim himoyachisi Sergey Milinkovichni sotib olishni so'raydi. Ma'lumot uchun, 22 yoshli futbolchi «Latsio» tarkibida 27 uchrashuvda maydonga tushib 6 gol va 5ta foydali uzatmani amalga oshirgan. Serbiyalik iqtidorli yarim himoyachining transfer narxi 12 million evroga baholanmoqda.
— deya xabar beradi uff.uz nashri.