“Chelsi” klubi yarim himoyachisi Fransesk Fabregas navbatdagi italyan top-klubi nigohi ostiga tushgan. Xabar qilinishicha, “Milan”dan tashqari 29 yoshli ispaniyalik futbolchini yozda “Inter” jamoasi ham xarid qilishni xohlaydi. “Neradzurrilar” agar “PSJ” futbolchisi Marko Verrattining transferi amalga oshmasa, Fabregasni sotib olishni urinib ko'radilar. Fabregasning o'zi katta ehtimol bilan “Chelsi”ni tark etadi, chunki Antonio Konte londonlik klubda bosh murabbiy lavozimida ishini davom ettiradi. Avvalroq, yozda “Milan” Fabregas uchun 27 million funt taklif qilishi mumkinligi xabar qilingandi.
— deya xabar beradi uff.uz nashri.