Xitoy hukumati mamlakatda futbolni rivojlantirish va uni kelajakda dunyo etakchilari qatorida bo'lishini ta'minlash uchun juda katta ishlarni amalga oshirmoqda, deya xabar qilmoqda China Daily nashri. Xitoy janubidagi Xaynyan provintsiyasida «Barselona»ning «La Masiya» akademiyasi qoshida yangi futbol maktabi ochiladi. Akademiya qurilishiga 8,5 mln evro mablag' ketishi taxmin qilinmoqda va u erda 6 dan 18 yoshgacha bo'lgan bolalar tarbiyalanadi. Bundan tashqari, akademiyada bir paytlar «Barselona»da o'ynagan etakchi mutahassislar faoliyat yuritishi aytilmoqda. Bulardan biri yaqinda Kataloniya klubi elchisiga aylangan Ronaldinodir. «Barselona» xitoyliklar bilan hamkorlik qiladi va 2050 yilga qadar Chin yuritida 50 taga yaqin futbol maktablari quradi. «Xitoy Superligasida borgan sari etakchi futbolchilar to'planmoqda. Ammo bu yurtda futbolni rivojlantirib, biz xitoylik futbolchilarni milliy chempionat va Evropa klublarida ko'rishimiz mumkin. Ishonchim komil, biz tez orada Xaynyandagi futbol maktabidan etishib chiqqan yosh iqtidorni «Barselona» tarkibida ko'ramiz», — deydi Xosep Mariya Bartomeu.
— deya xabar beradi uff.uz nashri.