Madridning "Real" klubi himoyachisi Serhio Ramos bugun "Napoli"ga qarshi uchrashuvda dubl muallifiga aylandi. Gap shundaki, Ramosning ushbu gollari uning joriy mavsumdagi 10-bo'lib, 30 yoshli himoyachi hozirga qadar hech qachon bunday natijaga erishmagandi.  Shuningdek, Ramos "Real" sobiq futbolchisi Roberto Karlosni gol urish bobida bittaga ortda qoldirib o'tdi. Braziliyalik himoyachi hisobida 68ta gol bo'lsa, Serxio Ramos hozirga qadar "Real" tarkibida 69 marta to'p kiritgan. Ma'lumot uchun, "Real" Madrid himoyachilari orasida eng sermahsul futbolchi "qirollik" klubining avvalgi sardori Fernando Yerro hisoblanadi, uning hisobida 127 ta gol mavjud.
— deya xabar beradi uff.uz nashri.