Bir necha daqiqalardan so'ng Evropa ligasi doirasidagi "Rostov" va "Manchester Yunayted" jamoalari o'rtasidagi o'yinga bag'ishlangan matbuot anjumani boshlanadi. Savollarga Joze Mourino va Deyli Blind javob beradi. Bizni kuzatib boring. 15:25. Matbuot anjumaniga hamma narsa shay.   15:30. Mourino va Blind kirib keldi. Matubot anjumani boshlandi. 15:31. Birinchi savol Zlatanning diskvalifikatsiyasi haqida bo'ldi. Joze uzoq o'ylanib: "U ertaga o'ynaydi. Uy o'yinlaridan chetlatilgani haqida hech narsa aytmayman". 15:35. Maydon haqida so'ralganda Mourino shunday javob berdi: "Shu maydonda o'ynashimizga ishongim kelmayapti, agar maydon deb atash to'g'ri bo'lsa. Qolaversa, qaysi jamoaga qarshi o'ynashni ham bilmayman, rosti. Mxitaryan maydonga tushish-tushmasligini ham bilmayman. Bilmayman. Boshimda ming xil fikr hozir". 15:52. "Rostov"ga qarshi Deyli Blind asosiy tarkibda o'yinni boshlaydi. Mourino Blind va Zlatanning maydonga tushishini aytib o'tdi. 15:58. Rossiyadagi muxlislarga munosabat haqidagi savolga quyidagicha javob berdi: "Ularga o'zimni namoyon etishga harakat qilaman, lekin ko'proq e'tiborim "MYu"da bo'ladi. Aslida har gal safarga chiqqanimda odamlarga nimanidir ilinaman. Albatta, hammaga dastxat qo'yish imkonsiz, lekin hurmatga loyiq bo'lishga urinaman". 16:01. Blind "Rostov" haqida gapirdi: "Biz o'zimizga ishonamiz. Qanday kuchga egaligimiz — ustunligimiz. Ularning ham zaif va kuchli tomonlari bizga ma'lum. Shuning uchun g'alaba qozonishimiz shart". 16:07. Shu bilan Mourino va Blind ishtirokidagi matbuot anjumani yakunlandi.
— deya xabar beradi uff.uz nashri.