Bugun “Lokomotiv” Oliy liga 2-tur uchrashuvlari doirasida Jizzaxning “So'g'diyona” jamoasiga qarshi bahs yuritib, 3:0 hisobida g'alabaga erishdi. O'yin yakunlangach o'tkazilgan matbuot anjumanida “Loko” ustozi Andrey Miklyaev quyidagicha fikr bildirib o'tdi: - “So'g'diyona” – ancha shakllangan jamoa. Buni jizzaxliklar “Bunyodkor”ga qarshi bahsda ham ko'rsatishdi. Biz bilan ham o'yinni ushbu jamoa yomon boshlamadi. Biz birinchi bo'limda o'zimiz istagandek ko'p xavfli vaziyatlar yarata olmadik. Ikkinchi taymga kelibgina o'zimiz istagandek o'yin namoyish qila boshladik. Bugun Salamat Qutiboevga maydonga tushish imkonini bermaganimizga sabab – u Muborakdagi o'yinda kichik jarohat orttirib olgandi. Shu sababli bugun unga tiklanib olish uchun imkon berdik. Umuman olganda, bugun yomon o'ynamadik va chiroyli g'alabaga erisha oldik. Buning uchun yigitlardan minnatdorman, - deydi Miklyaev.
— deya xabar beradi uff.uz nashri.