Madridning «Real» klubi himoyachisi Marselo EChL 1/8 final javob bahsi doirasida «Napoli»ga qarshi kechgan uchrashuvdan so'ng o'z fikrlari bilan o'rtoqlashdi. «Birinchi bo'limda bizga oson bo'lmadi, ammo tanaffusda kerakli ko'rsatmalarni oldik va ikkinchi bo'limda uchta gol kiritishga erishdik. Chempionlar ligasida oson o'yinlar bo'lmaydi, g'alaba qozonish uchun sabr qilish va kurashish kerak. Ramos bugun hal qiluvchi so'zni aytdi va bu tasodif emas, u haqiqiy jangchi, sardor va takrorlanmas futbolchi. Gol urganimda xursand bo'lardim albatta, ammo uchinchi goldagi kombinatsiyada qatnashib, undanda ortiq rohatlandim. «Barselona» va «PSJ» – kuchli jamoalar. Ularning o'yinida hamma narsa bo'lishi mumkin. Biz esa diqqatni jamlashimiz va La Ligadagi o'yinga tayyorgarlik ko'rishimiz kerak», – deydi Marselo.
— deya xabar beradi uff.uz nashri.