Evropa chempionlar ligasi tarixiga muhrlangan "Barselona" va "PSJ" jamoalari o'rtasidagi o'yin katta shov-shuvga sabab bo'ldi. Lekin tarixda bunday kambeklar ko'p takrorlangan. To'g'ri, boshqa musobaqa yoki oddiy chempionat doirasida bo'lishi mumkin. Ammo 1957 yildagi futbol uchrashuvi haqiqiy drama sifatida futbol tarixida qolgan. O'sha yili Angliya futbol ligasi ikkinchi divizionida "Charlton" o'z maydonida "Xaddersfild"ni qabul qilgan va shu o'yinning o'zida ajoyib kambek bilan g'alabani ilib ketgan. O'yin tugashiga 27 daqiqa vaqt qolgan, "Charlton" jamoasi 5:1 hisobida ortda qolayotgan edi. Mezbonlardan Jonni Sammers ismli nomdor futbolchi o'z jamoasining g'alabasiga katta hissa qo'shgan. O'sha vaqtda u ketma-ket 4ta gol urgan (birinchi taymdagi urgan bitta goli bilan 5ta gol). Yakunda "Charlton" 7:6 hisobida g'alaba qozongan.
— deya xabar beradi uff.uz nashri.