"Barselona" rahbariyati Lionel Messi bilan shartnomani uzaytirish borasida muzokaralarni davom ettirmoqda. "Barselona" o'z etakchilari bilan yangi bitim imzolash borasida optimal variantni topishga harakat qilmoqda. Xabarlarga ko'ra, kataloniyaliklar Messining maoshini yiliga 35 million evro qiymatda to'lashga tayyor. Futbolchining o'zi PSJ ustidan qozonilgan g'alabadan so'ng klubdagi faoliyatini davom ettirishga qarshi emas. Messiga Xitoy klublaridan biri yiliga 50 million evro miqdorida maosh berishga tayyorligini ma'lum qilgan. Shunga qaramay, "Barselona"dagilar futbolchi bilan yangi shartnoma imzolanishiga ishonch bildirishmoqda. Ma'lumot uchun, uning o'g'li Barselonadagi maktabga qatnamoqda, turmush o'rtog'i Kataloniya poytaxtidagi hayotidan mamnun. Eslatib o'tamiz, argentinalik futbolchining kataloniyaliklar bilan amaldagi kelishuvi 2018 yilda yakuniga etadi.
— deya xabar beradi uff.uz nashri.