«Napoli» yarim himoyachisi Dris Mertens faoliyatini «Manchester Yunayted»da davom ettirishi mumkin.
Xabar qilinishicha, mankunianliklar 29 yoshli futbolchi bilan ikki soat davomida muzokara olib borgan. Ammo hozircha Mertensning yaqinlari bu xabarni tasdiqlamadi.
Yarim himoyachining «Napoli» bilan shartnomasi 2018 yilning yozida yakuniga etadi. Hozircha tomonlar yangi shartnoma borasida kelishuvga erishmadi. Neapolliklar Mertensga 1,2 million evro o'rniga 2,4 million evro to'lashga tayyor. Ammo yarim himoyachi bu taklifni rad etgan.
Eslatib o'tamiz, belgiyalik yarim himoyachi joriy mavsum A seriyada 24 ta o'yinda maydonga tushib, 18 ta gol urgan va 4 ta golli uzatmani amalga oshirgan.
— deya xabar beradi uff.uz nashri.