"Nasaf" futbolchilari kechadan qisqa ta'tilga chiqishdi. Jamoa futbolchilari 14 mart kuni Qarshi shahridagi qarorgohida yig'ilishadi va mashg'ulotlarga kirishadi. Oliy liga 3-turi doirasidagi "Bunyodkor" - "Nasaf" uchrashuvi noma'lum muddatga qoldirildi. Bunga sabablar, "Bunyodkor" jamoasining OChL 3-tur uchrashuvi shu muddatga to'g'ri kelganligi va futbolchilarning milliy terma jamoamiz yig'inida ishtirok etishlari bo'ldi. "Bunyodkor" - "Nasaf" uchrashuvi keyinroq zaxira kunlarida o'tkazilishi mumkin. “Nasaf” 24 mart kuni O'zbekiston kubogi bahslariga kirishadi. Shu kuni "ajdarlar" Toshkentda "Lokomotiv BFK" jamoasi bilan bahs olib boradi. Ungacha jamoa murabbiylari nazorat uchrashuvlari o'tkazishni ham mo'ljallab turishibdi. Bu nazorat uchrashuvlarida raqiblar kim bo'lishi hozircha aniq emas. Bu haqda keyinroq aniq ma'lumot beramiz. O'zingizga ma'lum, "Nasaf" oliy liga 4-tur uchrashuvida "So'g'diyona" jamoasini qabul qiladi. Ushbu uchrashuv 30 mart payshanba kuni bo'lib o'tadi.
— deya xabar beradi uff.uz nashri.