Asosiy tarkibdagi o'rnini yo'qotgan “Chelsi” klubi himoyachisi Jon Terri mavsum oxirida faoliyatini boshqa Angliya Premer-ligasi jamoasida davom ettirishi imkoniyatini ko'rib chiqadi. Xabar qilinishicha, o'tgan qishda 36 yoshli futbolchi “Chelsi” bilan beshinchi chempionlik unvonini qo'lga kiritish uchun “Stok Siti”, “Vest Bromvich” hamda “Bornmut” klublarining taklifini rad etgan. Ilgari deyarli butun faoliyatini “Stemford Brij”da o'tkazgan Terri hech qachon boshqa ingliz klubi uchun to'p sura olmasligini aytgandi. Biroq himoyachi joriy mavsumda “Chelsi” safidagi so'nggisi ekanligini yaxshi bilib turibdi va shu bilan birga u faoliyatini yakunlash niyatida emas. Shuning uchun yozda Terri o'z fikridan qaytib, erkin agent sifatida boshqa APL klubiga o'tishi mumkin.
— deya xabar beradi uff.uz nashri.