Ozarbayjon poytaxti Boku shahrida dzyudo bo'yicha Xalqaro dzyudo federatsiyasi musobaqalari taqvimidagi yuqori nufuzli musobaqa – “Katta dubulg'a” turkumiga kiruvchi halqaro turnir boshlandi.
Ushbu musobaqada duyoning 30 dan ziyod mamlakatidan ikki yuz nafarga yaqin dzyudo ustasi g'oliblik uchun kuch sinashmoqda.
O'zbekiston dzyudo federatsiyasidan SPORTS.uz axborot portaliga ma'lum qilishlaricha,  ushbu musobaqaga 2020 yilgi Olimpiya o'yinlariga yangi tarkibni shakllantirish maqsadida yosh dzyudochilardan tarkib topgan terma jamoani jo'natdi.
Endigina xalqaro tajriba to'plab boshlagan yosh dzyudochilarimiz o'zlariga berilgan imkoniyatdan unumli foydalanib, murabbiylar ishonchini oqlay boshladi.
Ayniqsa, o'zbek dzyudo muxlislarini 60 kilogramm vazn toifasida o'z davrida dunyoning eng kuchli dzyudochisi bo'lgan va ayni paytda sportchilik faoliyatini yakunlagan Rishod Sobirovning o'rnini kim bosishi qiziqtirayotgan edi.
Bokudagi turnir Rishod polvonga munosib izdoshlar borligini ko'rsatdi. “Katta-dubulg'a” turnirida 60 kilogramm vazn toifasida gilamga chiqqan Muhriddin Tilovov kuchli raqiblar – Evropa chempionati sovrindori ozarbayjonlik Oruj Valizoda, jahon chempionati kumush medal sohibi mo'g'ulistonlik Amartivshun Dashdavaa, Pan Amerika chempionati finalchisi braziliyalik Erik Takabatakeni mag'lubiyatga uchratib, finalga chiqdi.
Yosh polvonimiz oltin medal uchuno'tkazilgan bahsda jahon chempionati sovrindori yaponiyalik Toru Shishimega kichik hisobda yutqazib, kumush medal bilan taqdirlandi.
Muhriddin Tilovov xalqaro maydondagi dastlabki g'alabaga o'tgan yili Toshkentda o'tkazilgan Grap-pri turnirida sazovor bo'lgan va nufuzli musobaqaning oltin medalini qo'lga kiritgan edi.
— deya xabar beradi uff.uz nashri.