"Yuventus" klubi sobiq darvozaboni Stefano Takkoni "Roma" posboni Voytsex Shchesni haqida fikrlarini bildirib o'tdi.
Polshalik darvozabon yozda "Arsenal"dan "Roma"ga kelgan va Morgan De Santisning o'rnini olishi kutilgan edi. Ammo uning beqaror o'yini A Seriya va Chempionlar ligasida pand berib qo'ymoqda. Ayniqsa EChL doirasida BATEga qarshi kechgan bahsda Shchesni qo'pol xatoga yo'l qo'ygan va rimliklar 2:3 hisobida mag'lubiyatga uchragandilar.
"Shchesni ajoyib darvozabon, bunga shubha bo'lishi mumkin emas.
Ammo unda boshqarib bo'lmas telbalik ham bor. U ba'zan aqldan ozgandek ko'rinadi. Bu esa tavakkalchilkka olib kelmoqda", - deydi Takkoni.
Eslatib o'tamiz, 25 yoshli Shchesni joriy mavsum 12 ta o'yin o'tkazgan va faqat bittasida darvozasi dahlsizligini saqlab qola olgan.
— deya xabar beradi uff.uz nashri.