"Arsenal" bosh murabbiyi Arsen Venger Angliya Kubogi chorak finalida 5 divizion vakili "Linkoln Siti" ustidan qozonilgan 5:0 hisobidagi g'alaba haqida fikr bildirdi.
"Yaqinda biz muxlislarni xafa qilgan edik. Yana "Uembli"ga borib, Angliya Kubogini qo'lga kiritishni istaymiz. "Arsenal" yaqinda Chempionlar ligasida og'ir mag'lubiyatni boshdan o'tkazdi. Bo'lib o'tgan ishlardan xulosa chiqarish lozim.
Kelinglar, men haqimda ko'p gaplashmaylik. Men butun hayotim davomida shu klubga xizmat qilishni istashimni namoyish etdim. "Arsenal"dan ketgunimga qadar shu ishni davom ettiraman. Ayni vaqtda har qachongidan ham ko'ra ko'proq o'z ishimga e'tibor qaratganman.
O'z ishimga baho berishlariga har doim yo'l qo'yib kelganman. Men shunchaki kelgusi o'yinga e'tibor qarataman", - deydi Venger.
— deya xabar beradi uff.uz nashri.