"Manchester Siti" yarim himoyachisi Kevin de Bryuyne Chempionlar ligasida g'alaba qozonishni orzu qilishini aytib o'tdi. Eslatib o'tamiz, "Manchester Siti" 15 martda "Monako"ga qarshi javob o'yinida maydonga tushishi lozim. Dastlabki bahsda 5:3 hisobida g'alaba qozonilgan.
"Biz finalga chiqa olamiz, deb hisoblayman. Ammo boshqalar ham shunday niyatda va bu bizning ishimizni og'irlashtiradi. "Monako"ga qarshi kechadigan o'yin qiyin o'tishi turgan gap. Hozir ular ancha yaxshi formada.
Chempionlar ligasidagi g'alaba fantastikaga teng bo'lardi. "Manchester Siti" aynan shunga intilmoqda. Umid qilamanki faoliyatim yaknida bu musobaqada hech bo'lmasa bir marta yutganman, deya olaman", deydi De Bryuyne.
— deya xabar beradi uff.uz nashri.