Madridning «Real» klubi hujumchisi Benzema Frantsiya terma jamoasiga qaytishi borasida muxlislar o'rtasida so'rovnoma o'tkazildi.

Unga ko'ra ovoz berganlarning 78 foizi bunga qarshi chiqqan. 19 foiz muxlis Benzemaning qaytishini ma'qullagan bo'lsa, 3 foizi betaraf qolgan. So'rovnomada umumiy hisobda 1006 ishqiboz ishtirok etdi.

Eslatib o'tamiz, Benzema oxirgi marta 2015 yilning oktyabrida Frantsiya terma jamoasiga chaqirilgan. Armaniston terma jamoasiga qarshi kechgan bahsda u ikkita gol kiritib, jamoasining 4:0 hisobidagi g'alabasiga hissa qo'shgan.

Keyin Mate Valbuenaga nisbatan ta'magirlikda ayblangan Benzema Frantsiya terma jamoasidan chetlatilgan edi. Yaqinda Frantsiya futbol federatsiyasi rahbari Noel Le Gre hujumchi terma jamoaga chaqirilishi mumkinligi va bu borada barchasi bosh murabbiy Dide Deshamga bog'liq ekanini aytgan edi.
— deya xabar beradi uff.uz nashri.