Ayni vaqtda faoliyatini ijara asosida "Roma"da davom ettirayotgan darvozabon Voytsex Shchesni londonliklar bosh murabbiyi Arsen Vengerdan xafa emasligini bildirdi.
"Men ahmoq emasman va dunyoning eng kuchli darvozabonlaridan birini zaxiraga o'tkazish uchun sotib olishmayotganini tushunib turgan edim. Albatta men «Arsenal»da qolib, Chex bilan raqobatda kurashmoqchi edim, ammo Venger bilan gaplashib olgach, ketganim ma'qulligini tushundim.
Agar klubga Chexdek darvozabonni qandaydir kulguli 10 million evro evaziga sotib olish taklifi tushsa, uni rad etish ahmoqlik bo'lar edi. Murabbiy eng avvalo o'z klubini qanday kuchaytirish haqida o'ylashi lozim.
Menga "Roma" yoqadi, bu juda kuchli klub. Ammo «Arsenal» meni ortga qaytarishni istasa, qaytishga to'g'ri keladi. Chunki mening londonliklar bilan shartnomam bor", - deydi Shchesni.
— deya xabar beradi uff.uz nashri.