Xabaringiz borki, “Navbahor” jamoasi 3-turda Farg'onaning “Neftchi” klubini qabul qiladi. Mazkur uchrashuv taqvimga ko'ra 18 mart sanasiga belgilangandi. Navro'z bayrami arafasida Namangan shahri va tumanlarida bayram tantanalari tashkil etilishi munosabati bilan o'yin sanasiga o'zgartirish kiritildi. O'zbekiston professional futbol ligasining 13 martdagi qaroriga ko'ra “Navbahor” va “Neftchi” jamoalari o'rtasidagi uchrashuv 16 mart kuni o'tkaziladigan bo'ldi. Uchrashuv Namangandagi “Markaziy” o'yingohda soat 17.00da boshlanadi.
— deya xabar beradi uff.uz nashri.