Yaxshi bilasiz, hamyurtimiz Fozil Musaev Yaponiya J-ligasi vakili "Jubilo Ivata" safida muvaffaqqiyatli ishtirok etib kelmoqda.
Futbolchimiz Yaponiya chempionatining 3-tur ramziy terma jamoasiga kiritildi. Bu haqida uning agenti San'at Sharipov o'zining tvitterida ma'lum qilgan. Shu o'rinda savol tug'iladi ushbu iqtidorli yarim himoyachimiz O'zbekiston milliy terma jamosining Suriya ham Eron termalariga qarshi uchrashuvlariga jalb etiladimi?
Shu kungacha olgan ishonchli ma'lumotlarimizga qaraganda, Samvel Babayan Musaevning xizmatlariga ehtiyoj sezmayapti va mart oyidagi o'yinlarda uni tarkibga chaqirmaydi. Ammo, umid qilamiz Yaponiyada to'p surayotgan hamyurtimiz kuni kelib O'zbekiston tarkibiga qaytadi va o'zining ajoyib o'yinlari bilan muxlislarni hurmatiga sazovor bo'ladi.
— deya xabar beradi uff.uz nashri.