Evropa chempionlar ligasi pley-off bosqichidan o'rin olgan "Lester" - "Sevilya" uchrashuvi yakuniga etdi. Uchrashuv mezbonlarning 2:0 hisobidagi ishonchli g'alabasi bilan yakunlandi. Avvaliga, 27 – daqiqada Riyod Mahrezning uzatmasidan so'ng "Lester" himoyachisi Morgan darvozaning yaqin burchakini nishonga olib, hisobni ochdi. "Sevilya" o'z darvozasidan gol o'tkazib yuborganidan so'ng o'yin davomida ko'plab hujumlar uyushtirdi, lekin shu kuni ispaniyaliklardan omad chinakamiga yuz o'girdi. Eskuderoning 52-daqiqada chamasi 25 metrlardan yo'llagan zarbasini darvoza to'sini qaytardi. Oradan ikki daqiqa o'tib, "Lester" futbolchisi Oblrayton mehmonlar darvozaboni Serxio Riko qaytargan to'pni darzoga yo'lladi. 80-daqiqada Shmeyxel "Sevilya" futbolchisi Vitologa qo'pollik ishlatdi va bu holatni hakam penalti deya belgiladi. Lekin, Nzonzi Shmeyxel qo'riqlayotgan darvozaga 11 metrlik jarima zarbasini bajara olmadi. Bu vaziyatda Shmeyxel o'z xatosini to'g'irladi va penaltini qaytarishga erishdi. Natijada, «Sevilya» Angliyada Kreyg Shekspir boshqaruvidagi "Lester"ga imkoniyatni boy berib, musobaqani tark etdi EChL, pley-off
"Lester" – "Sevilya" 2:0 Gollar: Morgan, 27 (1:0), Oblrayton, 54 (2:0) "Lester": Shmeyxel, Simpson, Xut, Morgan, Fuks, Olbrayton, Ndidi, Marez (Amarti 89), Drinkuoter, Okadzaki (Slimani 64), Vardi. "Sevilya": Riko, Rami, Parexa, Merkado (Mariano 46), Eskudero, Sarabiya (Yovetich 46), Iborra, N'Zonzi, Nasri, Vitolo, Ben-Yedder (Korrea 68). Chetlatish: Nasri, 74 (S). Amalga oshirilmagan penalti: Nzonzi 80-daqiqa (S)
— deya xabar beradi uff.uz nashri.