Germaniyaning “Volfsburg” klubi hujumchisi Mario Gomes terma jamoadagi faoliyatini 2018 yilgi jahon chempionatidan so'ng yakunlashini rejalashtirmoqda. 31 yoshli futbolchi 2007 yildan beri terma jamoa sharafini himoya qilib kelmoqda. Bu vaqt ichida u 69 o'yinda 29 golga mualliflik qilgan.
– Rossiyadagi jahon chempionati men uchun so'nggi musobaqa bo'ladi. Realist bo'lish kerak. Bu vaqtda men 33 yoshga to'laman. Miroslav Kloze singari 35 yoshda ham muvaffaqiyatli to'p surgan hujumchi bor deb o'ylamayman. Men ko'p yillar u bilan raqobat qilib bordim”, – deya Gomesning so'zlarini keltiradi Bild nashri.
U bu mavsum Germaniya chempionatida 23 uchrashuvda 8 golga mualliflik qilgan.
— deya xabar beradi uff.uz nashri.