"Manchester Yunayted" hujumchisi Zlatan Ibrahimovichning agenti Mino Rayola «Los-Andjeles Gelaksi» klubi rahbariyati bilan uchrashdi.
Ibrahimovichning mankunianliklar bilan shartnomasi mavsum oxirida yakuniga etadi va hujumchi erkin agent maqomida boshqa klublar bilan muzokara olib borish huquqiga ega. «Los-Andjeles Gelaksi»dan tashqari shvetsiyalik hujumchiga Xitoydan ham qiziqish mavjud. Xitoylarga unga yiliga 30 million evro maosh taklif etishmoqda.
Shu bilan birga "Manchester Yunayted" ham Ibrahimovichni ushlab qolish uchun qo'lidan kelgan barcha ishni amalga oshirishga tayyor. Eslatib o'tamiz, shvetsiyalik hujumchi joriy mavsum "MYu" tarkibida 25 uchrashuv o'tkazib 15 ta gol urgan va 4 ta golli uzatmani amalga oshirgan.
— deya xabar beradi uff.uz nashri.