"Bavariya" klubida ijara asosida to'p surayotgan, transfer huquqi asli "Yuventus"ga tegishli bo'lgan Kingsli Koman "Chelsi" e'tiboriga tushdi. Telefoot nashrining ma'lum qilishicha, londonliklar 20 yoshli futbolchi uchun 69 million evro sarflashga tayyorlar. Biroq "Yuventus" va "Bavariya" o'zaro kelishuvga egalar. Unga ko'ra, myunxenliklar 2017 yilning  30 apreliga qadar futbolchini butunlay o'z saflariga qo'shib olishlari mumkin. Ammo yakuniy qarorni baribir, futbolchining o'zi qabul qiladi. Agar Koman "Bavariya"da qolishga rozi bo'lsa, myunxenliklar "Yuventus" hisob raqami­ga 20,5 million evro o'tkazib beradilar. Shuningdek, Koman xizmatlariga "Chelsi"dan tashqari "Manchester Siti" ham qiziqish bildirmoqda.
— deya xabar beradi uff.uz nashri.