Angliya chempioni "Lester" jamoasining o'tgan yilgi ertagi bu yil EChL doirasida davom etmoqda. Hozircha chorak finalgacha etib kelgan jamoalar orasida faqatgina "tulkilar" ingliz klubi hisoblanadi. Jamoa futbolchisi Ues Morgan esa EChLda g'alaba qozonishni istayotganini yashirib o'tirmadi. Shuningdek, bugungi qur'ada ularga "Real" yoki "Barsa" tushishini xohlayotganini ham ta'kidladi. — O'tgan yili APLda chempion bo'ldik, — deydi Morgan. — Aniq bilaman, ko'pchilik EChLda shu ergacha kelishimizga ham ishonmagandi. Shuning uchun bu yog'iga orzu qilishda davom etamiz. Bugungi qur'a haqidagi savolga u quyidagicha javob berdi: — Hozircha faqat kuzatamiz va keyingi o'yinlarga tayyorlanamiz. Lekin men "Kamp Nou" va "Bernabeu"da hech ham bo'lmaganman. Ushbu stadionlardan biriga borib, u erda tajriba oshirib qaytish imkoniyati berilsa, zo'r bo'lardi.
— deya xabar beradi uff.uz nashri.