Bu yilgi Birinchi Liga jamoalarida moliyaviy tomondan qiyinchiliklar bo'ldi. Shu boisdan ayrim jamoalar safardagi o'yinlarga borish masalasida qiyinchilikga yuz tutganligi tabiiy.
Ikkinchi bosqichda dastlab "Orol" jamoasi o'yinga bormadi. Keyinchalik "Kosonsoy" "Orol"ga qarshi bahs uchun safarga chiqmagandi. Mavsumning so'nggi turida esa "Yozyovon-lochinlari" "Nasaf-2"ga qarshi bo'lishi kerak o'yinga bormaganligini oydinlashdi.
Endilikda PFL bu klubga nisbatan qanday chora ko'rilishini keyinchalik bilib olish mumkin. Ikkinchi bosqchida uchta klubning safarga chiqmaganligi yaxshi holat emas. So'nggi yillarda birinchi ligada shunday holat ko'p bora kuzatilmoqda. PFL esa bunga jiddiy chora ko'rmayotganligi esa jamoalarning o'zboshimcha bo'lib ketishlariga sabab bo'lib qolyapti. Axir, birinchi ligani saviyasini ko'tarish haqida ko'p va xo'p aytilmoqda. Lekin istagan jamoa safarga chiqmasligi esa liganing obro'siga yanada putur etkazmoqda.
Shuni istardikki, PFL mutasaddilari birinchi liganing kelgusi yilida ayrim klublarda bo'ladigan mana shunday vaziyatni oldini olish va ularga nisbatan jiddiy choralar ko'rish kerak. Bu ketishda birinchi liga saviyasini ko'tarish haqida aytilgan so'zlar shunchaki qolib ketaveradi.


— deya xabar beradi uff.uz nashri.