"Navbahor" - "Neftchi" uchrashuvidan so'ng jamoamiz yarim himoyachilari A'zam Aliev va bellashuvda zaxiradan maydonga tushgan Aziz Turg'unboev bahs borasida o'z taassurotlari bilan o'rtoqlashishdi.
"O'yin ancha og'ir kechdi. O'z maydonimizda o'ynaganimiz bois farg'onaliklarni taslim etishimiz shart edi. Ammo, birinchi bo'lim oxirlarida "Neftchi" gol urgach raqib o'z kuchiga ishonib yubordi. Zaxiradan maydonga tushib qo'limdan kelganicha hisobni tenglashtirishga yordam berishga harakat qildim. Oldinda bizni "Dinamo"ga qarshi qiyin uchrashuv kutib turibdi. Ushbu o'yinda faqat g'alabani ko'zlab maydonga tushamiz. Xudo xohlasa Samarqanddan uch ochko bilan ortga qaytmoqchimiz"-, dedi Turg'unboev.
"Uchrashuvda g'alaba qozonishga harakat qildik. Maqsadimizga etishishga ko'p imkoniyatlar bo'ldi. Biroq ulardan unumli foydalana olmadik. Aynan shu jixat "Neftchi" bilan o'yinda ochko yo'qotilishiga sabab bo'ldi deyishim mumkin. "Neftchi" ham mavsumga yaxshi tarkib shakllantiribdi. Navbatdagi bellashuvlarda g'alaba qozonib, muxlislarimizni xursand qilishga astoydil harakat qilamiz", - dedi Aliev.
— deya xabar beradi uff.uz nashri.