Oliy liganing 3-turidan o'rin olgan "Buxoro" - "Obod" uchrashvidan so'ng har ikkala jamoa ustozlari OAV xodimlarining savollariga javob qaytardi. Ulug'bek Baqoev ("Buxoro" jamoasi murabbiyi): - Avvalo muxlislardan uzr so'rayman! Bugun g'alaba qozonishni maqsad qilgandik, ammo hammasi o'ylaganimizdek bo'lmadi. Hozir kimnidir ayblamoqchi emasman. Diskni ko'rib chiqib, xatolarni tahlil qilamiz va navbatdagi bahslarga tayyorgarlikni davom ettiramiz. Qo'l ostimizda 22 nafar futbolchi bor. Har bir bahsga kim tayyor bo'lsa o'shani maydonga tushiraman.

Farhod Safarov ("Obod" jamoasi direktori): - "Buxoro" jamoasini juda yaxshi bilardim. Garchi mavsum arafasida klubda bir qator o'zgarishlar ro'y bergan bo'lsa-da, tarkibdagi futbolchilarning qanday salohiyatga ega ekanligi barchaga ma'lum. Aytishim kerak, bugun qiyin o'yinda uch ochkoni qo'lga kiritdik. Avval ham aytib o'tganimdek, mavsum boshida barcha jamoalarning imkoniyati deyarli bir xil bo'ladi. Jamoa bosh murabbiyi Rauf Inileev 30 mart kuni "Bunyodkor"ga qarshi o'yinda biz bilan birga bo'ladi, degan umiddaman.
— deya xabar beradi uff.uz nashri.