23 mart kuni Malayziyada O'zbekiston terma jamoasi futbolchilari JCh–2018 turniri saralash bosqichi “A” guruhi 6-turida Suriya termasiga qarshi maydonga chiqishadi. Terma jamoamizda bo'lgani kabi, Suriya milliy terma jamoasi ham bu o'yinga puxta tayyorgarlik bilan kelmoqda. Vodiymedia.uz vakillari suriyaliklar hujumkor yarim himoyachisi Mahmud Almavas bilan suhbatlashdi. Quyida ushbu suhbatni e'tiboringizga havola qilamiz. - Mahmud, Suriya-O'zbekiston o'yini arafasida jamoangizda tayyorgarlik holati qanday? Suriyaning 5 o'yindan so'ng 5 ochko bilan ikkinchi davrani boshlashi o'yinchilar ruhiyatiga qanday ta'sir ko'rsatmoqda?  - Avvalo, O'zbek futbol ishqibozlariga o'z salomlarimni aytgan holda, shuni ta'kidlashim kerakki, biz uchun bundan buyog'iga har bir o'yin finaldek bo'ladi. Suriya-O'zbekiston uchrashuvi esa taqdirimizni belgilovchi eng ahamiyatli o'yindir.Men o'zimga va jamoadoshlarimga ishonaman, va Xudo hoxlasa, biz bu o'yinda g'olib bo'lamiz. - Suriya o'z o'yinlarini ma'lum sabablarga ko'ra, betaraf maydonda o'tkazishga majbur bo'lmoqda. Lekin, Malayziyada ham terma jamoangiz yaxshi natijalarga erishmoqda. O'yinchilar uchun bu omilning ahamiyati yo'qmi? - Albattaki, har kim ham o'z maydonida, muxlislari qarshisida o'ynashni istaydi. Lekin bugungi vaziyatda biz uchun hozircha buning imkoni yo'q. Shunday bo'lsa ham, ijtimoiy tarmoqlar orqali muxlislarimiz shu qadar katta e'tibor berishmoqdaki bizga, bu qo'llab-quvvatlashni biz to'la his etmoqdamiz. Aynan shu bizga ularning orzularini ro'yobga chiqarishga yordam beradi... Suriya terma jamoasining qolgan o'yinlar uchun rejasi qanday, Mahmud Almavas qaysi futbolchimizning O'zbekiston terma jamoasida eng kuchli deb hisoblaydi, Suriya himoyachilarining bizning hujumkor futbolchilarimiz uchun rejasi qanday, bular haqda Vodiymedia.uz saytida o'qiysiz.
— deya xabar beradi uff.uz nashri.