Bugun o'rtoqlik uchrashuvi doirasida amaldagi JCh g'olibi Germaniya terma jamoasi Dortmundda Angliya termasini qabul qiladi. Ushbu bahs Garet Sautgeyt shogirdlari uchun Litvaga qarshi kechadigan uchrashuv oldidan o'ziga hos tayyorgarlik vazifasini o'taydi. Angliya to'rt kundan so'ng Rossiyada o'tadigan JCh-2018 saralashi doirasida "Uembli"da Litvani qabul qiladi. Tan olish lozim, Sautgeyt ushbu bahslarga tarkib tanlashda qiyinchiliklarga duch keldi. Tarkibga Jeymsa Uord-Prouz va Jeyk Livermorlar jalb qilingan bo'lsa, Jek Uilshir, Teo Uolkott va Endi Kerrollar undan joy ola bilmadilar. Sautgeytning birgina muammosi bor, u ham bo'lsa – hujumchilar kamligi. Ushbu uchrashuvlarda Garet tajribali Defo, yosh Markus Reshford va Jeymi Vardi xizmatlaridan foydalanishi mumkin.
So'nggi bor Angliya va Germaniya 2016 yili Berlinda to'qnash kelgandilar. O'shanda futbol vatani vakillari 2:3 hisobida zafar quchgan edilar. Angliya Evro-2016 bahslarida Isalandiyadan uchralgan mag'lubiyatdan so'ng, umuman yutqazmadi. Bu o'yinda nemislarni "Arsenal" sobiq hujumchisi Lukas Podolski sardorlik bog'ichi ostida maydonga olib chiqadi va ushbu uchrashuv Podolski uchun terma jamoadagi so'nggi o'yin bo'ladi. Germaniya shu kungacha Dortmundda o'tkazgan 18 ta uchrashuvning faqatgina birida mag'lub bo'lgan. Angliya so'nggi 16 ta safar uchrashuvlarining faqat birida: 2015 yil Ispaniyaga yutqazgan. Germaniya termasi Angliyaga qarshi kechgan oxirgi uchta uy uchrashuvining barchasida mag'lub bo'lgan – 2001 yilda 1:5, 2008 yilda 1:2 va 2016 yilda 2:3. Inglizlar Germaniyaga qarshi o'tgan so'nggi etti bahsning hammasida gol o'tkazib yuborishgan.
Yoaxim Lev shogirdlari 558 daqiqadan beri o'z darvozalari dahlsizligini saqlab turibdilar. So'nggi bor Evro-2016 bahslarida frantsiyalik Antuan Grizmann nemislar darvozasini ishg'ol qilgan. Ushbu uchrashuvda germaniyalik mutahassis Manuel Noyer, Mesut O'zil, Yulian Draksler va Mario Gomes xizmatlaridan foydalanishni istamadi. Darvozani esa Kevin Trapp qo'riqlaydi va terma jamoadagi debyutini nishonlaydi. Germaniyaga kelishdan oldin inglizlar jarohat olgan Fil Jonsni "Manchester Yunayted" ta'sarrufiga jo'natib yubordilar. Shuningdek, Raxim Sterlingning maydonga tushishi ham so'roq ostida.
— deya xabar beradi uff.uz nashri.