«Milan» klubi himoyachisi Inyatsio Abate jarohat sabab ushbu mavsum oxirigacha jamoasiga yordam berolmaydi. 30 yoshli futbolchi Italiya chempionati 26-turi doirasida «Sassuolo»ga (1:0) qarshi kechgan uchrashuvda chap ko'zidan jarohat olgandi. Shundan so'ng, Abate maydonga qaytmadi va ko'rikdan o'tish uchun AQShga jo'nab ketgandi. Tashhisga ko'ra, Abate yozgacha muolaja oladi va yozgi tanaffus vaqtida maydonga qaytishi mumkin, deya xabar qilmoqda milanliklar rasmiy sayti. Ushbu mavsum Abate A Seriyaning 23 ta uchrashuvida maydonga tushgan.
— deya xabar beradi uff.uz nashri.