Kecha matbuot-anjumanida Samvel Babayan ikki hujumchimiz Igor Sergeev va Eldor Shomurodovlarning maydonga tushishlari so'roq ostidaligi haqida gapirib o'tdi. Bundan tashqari, asosiy himoyachilarimizdan biri Vitaliy Denisov ham jarohati tufayli maydonga tushmaydi.
O'z-o'zidan savol tug'iladi: bugun kimlar asosiy tarkibda o'yinni boshlaydi?
Biz an'anamizga sodiq qolgan holda bugungi o'yin uchun O'zbekiston tarkibini taxmin qilib ko'ramiz.
Demak, har doimgidek termamiz 4-4-2 yoki uni zamonaviyroq ko'rinishi 4-4-1-1 taktikasi ostida o'yinni boshlaydi.
O'zbekiston: Aleksandr Lobanov, Islom To'xtaxo'jaev, Egor Krimets, Anzur Ismoilov, Davron Hoshimov, Sardor Rashidov, Odil Ahmedov, Aziz Haydarov, Server Jeparov, Eldor Shomurodov, Temurxo'ja Abduxoliqov
Maydondagi joylashuv quyidagicha bo'ladi:
Katta ehtimollik bilan Denisov o'rnida universal himoyachimiz Islom To'xtaxo'jaev bo'ladi. Yoki Oleg Zoteev tushishi mumkin. Hujumda Sergeev yoki Shomurodovlarning biri aniq tushadi. O'sha futbolchi Temurxo'ja Abduxoliqov bilan tandem bo'ladi. Yoki Marat Bikmaev hujumda o'ynaydi.
Bu bir taxmin xolos, barchasi murabbiyga yaqqol ayondir.
Sizning kim asosiy tarkibda maydonga tushadi? Kimlar ilk daqiqadan o'ynashga munosib?
— deya xabar beradi uff.uz nashri.