“Bernli” klubi hamda Angliya terma jamoasi himoyachisi Maykl Kin Germaniyaga (0:1) qarshi kechgan o'rtoqlik uchrashuvidan so'ng o'z fikrlarini bildirdi. “Orzuim ushaldi. So'nggi bir yoki ikki yilda milliy terma jamoaga kirish uchun astoydil harakat qilgandim. Men buni uddaladim. Jahon chempioniga qarshi o'yinda debyut haqida faqat orzu qilsa bo'ladi. Natija albatta salbiy, ammo jamoa yaxshi o'ynadi va bir qator vaziyatlar yaratdi. O'z debyutimdan mamnunman, ammo yanada yuqoriroq cho'qqilarni zabt etmoqchiman. Mening o'rnimda kuchli futbolchilar ko'p, shuning uchun oson bo'lmasligi aniq”, — deydi Kin.
— deya xabar beradi uff.uz nashri.