Malayziya davlatining Malakka shahrida joylashgan "Hang Jebat Stadium" o'yingohida Suriya hamda O'zbekiston milliy terma jamoalari o'rtasida JCh-2018 saralash uchrashuvi o'z nihoyasiga etdi. Unda 1:0 hisobi qayd etilib, suriyaliklarning g'alabasi bilan yakunlandi. Birinchi bo'limda O'zbekistonning kichik ustunligi ostida o'tgan bo'lsada, umuman tanaffusga qadar maydonda tengkurash bo'ldi. Hamyurtlarimizda bir qator qulay standart vaziyatlar bo'ldi, biroq ilk taymda darvozalar daxlsiz qoldi. Ikkinchi bo'limda vakillarimiz bosimni oshirishga harakat qilishdi, biroq bu kuni yigitlarimizning o'yini hech qovushmadi. Har safar yo texnik xato, yo raqib himoyachilarining ishonchli o'yini bunga sabab bo'ldi. Terma jamoamiz ustozi Samvel Babayan hujumchilarni maydonga tushirdi. Sasha Geynrixni o'yinga tashladi. Bizni ko'pgina o'yinlarda qutqarib, qimmatli g'alabalarni keltirgan Aleksandr ham bu kuni butun jamoamiz kabi anchagina yomon o'ynadi. Ikkinchi bo'limning so'nggi daqiqalarida bizning darvozaga penalti belgilandi va Umar Xarbin penaltidan jamoasini oldinga olib chiqdi. Shu tariqa, Suriya g'alabani ilib ketdi va O'zbekiston ikkinchi o'ringa ko'tarilib olish uchun qulay vaziyatni qo'ldan boy berdi. JCh-2018 saralashi, Osiyo qit'asi
Suriya - O'zbekiston — 1:0
Gol: Xarbin (90 pen)
Suriya: Ibrohim Alma, Ahmad al Solih, Muyid al Ajan, Umro al Midani, Amro Jenyat, Umar Harbin, Mahmud al Mavoz, Fahad Yusuf, Tamir Haj Muhammad, Mardik Mardikian, Holid Mubayad.
O'zbekiston: Aleksandr Lobanov, Egor Krimets, Anzur Ismoilov, Islom To'xtaxo'jaev, Davron Hoshimov, Odil Ahmedov, Aziz Haydarov, Server Jeparov, Jaloliddin Masharipov, Marat Bikmaev, Temurxo'ja Abduxoliqov.
— deya xabar beradi uff.uz nashri.