Muhammad Yusuf she'riga tragedik parodiya Garchi, ushbu she'rni o'qigan bo'lsangiz ham, dolzarbligini unutmagan deb hisoblaymiz.
Etmish yulduz yog'ilib,
Yarim oycha to'lolmas.
Uchta klub yutsa ham
Bitta terma bo'lolmas.
O'yini zo'r termaga
Raqib yaqin yo'lolmas,
Sening esa bag'ring qon,
Bechora O'zbekiston.
O'yin oldi hammaning
Kayfiyati zo'r ekan.
Madxiyani aytganda
Hamma muxlis jo'r ekan.
Ammo lekin na iloj
Peshonamiz sho'r ekan
Ko'z yoshlari har tamon
Favvora O'zbekiston.
Kuchli bo'lsa jamoang
JARga kuching etarkan
Kuchsiz bo'lsa jamoang
BAA ham yutib ketarkan.
Bilolmadim bu savdo
Qancha davom etarkan?
Topolmay lolu xayron
Bir chora O'zbekiston!
Yashayapmiz hammadek
Goxi shod, gox kuyunib.
Klublar yutganiga
Yurgan edik suyunib.
Qachon yaxshi bo'larkan?
Termamizning o'yini
Quyosh bo'lsada osmon
Tim qora O'zbekiston!
Muzey to'rida kubok
Boshimiz uzra tutgan
94 dan beri biz
E'zozlab ko'zga surtgan.
Qaytib yutib bo'lsaydi
Bo'lardik jon deb yutgan
Unga qarab bitta jon
Ming pora O'zbekiston! BISKAT O'zingizni oilangiz uchun asrang!
— deya xabar beradi uff.uz nashri.