"Manchester Yunayted" himoyachisi Matteo Darmian xizmatlariga "Roma" klubi qiziqish bildirmoqda. Bu haqda Tuttomercatoweb nashri xabar beradi. Manbaning xabariga ko'ra, futbolchi yozda "qizil iblislar" tarkibini tark etishni istamoqda. Bunga sabab u jamoaning asosiy tarkibidan muntazam joy ololmayotgani bo'lishi mumkin. Ma'lumot uchun, 27 yoshli himoyachi joriy mavsum "MYu" tarkibida 18 uchrashuvda ishtirok etgan. 
Eslatib o'tamiz, "Manchester Yunayted" Darmianni 2015 - yil "Torino"dan 15 million evro evaziga sotib olgandi.
— deya xabar beradi uff.uz nashri.